மெதகம, பகுதியில் 1 வயது நிரம்பிய குழந்தையொன்று வீட்டிற்கு அருகில் உள்ள கிணற்றில் விழுந்து உயிரிழந்துள்ளது.இந்த சம்பவம் நேற்று (01) மாலை பதிவாகியுள்ளதாக பொலிஸார் தெரிவித்தனர்.
மல்கஸ்தலாவ, மாகல்லகம பிரதேசத்தில் வசித்து வந்த 01 வயது 02 மாத குழந்தையே இவ்வாறு உயிரிழந்துள்ளது.
உயிரிழந்த குழந்தை தாயுடன் வீட்டில் இருந்த போது தாய் உறங்கிய நிலையில் வீட்டின் முன் உள்ள பாதுகாப்பற்ற கிணற்றில் விழுந்து உயிரிழந்துள்ளதாக விசாரணையில் தெரியவந்துள்ளது.
சடலம் மெதகம வைத்தியசாலையின் பிரேத அறையில் வைக்கப்பட்டுள்ளதுடன், சம்பவம் தொடர்பான மேலதிக விசாரணைகளை மெதகம பொலிஸார் மேற்கொண்டு வருகின்றனர்.