காணி மீட்டல் மற்றும் மேம்பாட்டுக் கூட்டுத்தாபனத்தின் முன்னாள் தலைவர் ஹர்ஷன் டி சில்வா பிணையில் விடுவிக்கப்பட்டுள்ளார்.
2014 ஆம் ஆண்டு வெள்ளத்தைக் கட்டுப்படுத்த ஆரம்பிக்கப்பட்டத் திட்டத்திற்காக ஒதுக்கப்பட்ட நிதியை கொள்முதல் செயல்முறையை மேற்கொள்ளாமல் பண்டிகை நடவடிக்கைகளுக்குச் செலவழித்து அரசாங்கத்திற்கு 2.76 பில்லியன் ரூபா இழப்பை ஏற்படுத்தியதாகக் கூறி இலஞ்ச ஒழிப்பு ஆணையத்தால் கைது செய்யப்பட்ட காணி மீட்டல் மற்றும் மேம்பாட்டுக் கூட்டுத்தாபனத்தின் முன்னாள் தலைவர் ஹர்ஷன் டி சில்வாவை பிணையில் விடுவிக்க கொழும்பு நீதவான் நீதிமன்றம் உத்தரவிட்டுள்ளது.
இலஞ்ச ஒழிப்பு ஆணைக்குழுவால் கைது செய்யப்பட்ட சந்தேக நபர் இன்று பிற்பகல் கொழும்பு தலைமை நீதவான் தனுஜா லக்மாலி முன் ஆஜர்படுத்தப்பட்டார்.
அதன்படி, சந்தேக நபருக்கு 1 மில்லியன் ரூபா என்ற அடிப்படையில் ஐந்து சரீரப் பிணைகளில் விடுவிக்கப்பட்டுள்ளதுடன் சந்தேக நபருக்கு வெளிநாட்டுப் பயணத் தடையும் விதிக்கப்பட்டுள்ளது.