தேசபந்து தென்னகோனுக்கு, ஏப்ரல் மாதம் 10ஆம் திகதி வரை விளக்கமறியலை நீடிக்க நீதிமன்றம் உத்தரவிட்டுள்ளது. மாத்தறை நீதிமன்றத்தில் இன்று (03) ஆஜர்ப்படுத்தப்பட்டதையடுத்து இந்த உத்தரவு பிறப்பிக்கப்பட்டுள்ளது.
பெப்ரவரி 28 ஆம் திகதி, தேசபந்து தென்னகோன் உட்பட ஏழுவரை கைது செய்ய மாத்தறை நீதவான் நீதிமன்றம் பிடியாணை பிறப்பித்தது.
கடந்த டிசம்பர் 31, 2023 அன்று மாத்தறை வெலிகமவில் உள்ள ஒரு ஹோட்டலுக்கு அருகில் நடந்த துப்பாக்கிச் சூடு சம்பவம் தொடர்பிலேயே இந்த பிடியாணை உத்தரவு பிறப்பிக்கப்பட்டது.
பிடியாணை பிறப்பித்து 20 நாட்கள் தலைமறைவாகியிருந்த, தேசபந்து தென்னகோன் மார்ச் 19 ஆம் திகதி நீதிமன்றத்தில் சரணடைந்தார் என்பதும் குறிப்பிடத்தக்கது.